Mairang, Nailar 30
U Deputy Commissioner ka Eastern West Khasi Hill District, u Bah G. Kharmawphlang, IAS, u la pynmih ïa ka hukum ban khang pyrshah ïa ka jingrung jong ki kali, ki briew ne kynhun briew ban rung ban mih sha ka ophis bad ‘quarter’ jong u Deputy Commissioner, Mairang khlem da ïoh ka jingbit na ki bor ba dei peit.
Ha ka kyrwoh khubor u DC u la ong ruh ba ïa kane ka hukum la pynmih khnang ban ïada na kino-kino ki jingjia bym poi pyrkhat ban ïada ïa ki ophisar, ki tiar ki tar lane kino-kino ki mar jong ka sorkar. U Deputy Commissioner u la ong ruh ba kane ka hukum kan treikam noh mardor tad haduh ynda pynbna da kumwei pat.
