Jowai, Nailar 30
Ka shlem treikam jong ka District School Education Officer (DSEO), West Jaiñtia Hills District ha ka 29 tarik Nailar ka la pynlong ïa ka District Level Science ‘Seminar’ halor ka phang “Artificial Intelligence: Potentials & Concerns” ha RMSA Govt. Secondary School, Jowai.
Ha kane ka ‘Seminar’ la wan shim bynta shit rhem da ki khynnah skul na ki skul bapher-bapher jong ka distrik ha ka jingdonlang u Deputy Commissioner, West Jaiñtia Hills District Bah B.S. Sohliya, ka DSEO, Kong A. Syiem nalor kiwei-kiwei.
Ha kane ka ‘Seminar’ ki khynnah skul ki la pynpaw ïa ki mat ba kongsan halor ki jingmyntoi bad ki jingduhnong jong ka teknoloji AI.
Ki nongbishar ha kane ka ‘Seminar’ ki long ka Kong P. Passah, District Informatics Officer, NIC, u Bah Roibok Pohrmen, e-District Manager ka tnad IT, Khliehriat bad u T. Bamon nonghikai Computer, Kiang Nangbah Government College, Jowai.
