Jowai, Nailar 30
Ka West Jaintia District Badminton Association (WJDBA), Jowai ka khot bad wer ïa ki khun samla jong ka rilum Jaintia ban wan ïashim bynta sha ka lympung ïalehkai Badminton kaba la tip kum ka 15th District Open Badminton Championship. Kane ka lympung yn pynlong ha ka 9 tarik haduh ka 14 tarik u Nailur 2024 ha Indoor Hall ka Seinraij Jowai (Madan Ryngkaw), Tpep-pale Jowai, naduh ka por 5:30 janmiet.
Ki kyrdan ïalehkai ki kynthup ïa ka Under 19 Boy’s bad Girl’s ha ka Singles bad Doubles, Men’s Open (Singles bad Doubles), 35 snem shaneng (Men’s Singles bad Doubles), 55 snem shaneng (Men’s Single bad Doubles), Women’s Open (Singles bad Doubles), bad ka Mixed Doubles. Baroh ki kyrdan ïalehkai kim dei ban duna 4 kynhun.
Ka tarik kaba khatduh ban pynpoi ïa ki kyrteng kan long ha ka 5 tarik jong u Nailur 2024, hapoh ka por 6 baje janmiet.
Baroh ki nongïashim bynta ki lah ban shim bynta ha ar kyrdan (category) lane lai event. Ïa ki jingtip ba kham bniah, phone ha u Tournament Secretary Richard Mylliem, ha u number 9436566773, lane ha u Public Secretary ka Association ha u number 9366115391.
