Jowai, Nailur 01
Ka Myrjai bad ka Mulang Ïalong ki la jam sha ka semi final ha ka lympung ïalehkai 3rd Division Football Tournament-4th Adelbert Laloo Memorial Trophy ba la pynïaid da ka West Jaiñtia District Sports Association (WJ-DSA) ha ka sngi Saitjaiñ ha Kiang Nangbah Sta-dium kaba ha Jowai.
Kane ka jinglah ban pynthikna ban jam sha katei ka kyrdan ka la wan hadien ba ka Myrjai ka la lah ban pynliem noh ïa ka Pasyih Cultural da 4-3 kol lyngba ka extra time ha ka jingïakhun quarter final bad ka hadien ba ka jingïakhun ka la kut ha ka jingïakhaid mar 3-3 kol.
Ha kane ka jingïakhun u Elias Dhar u la khur ïa ka hat-trick na ka bynta ka Myrjai hadien ba u la ïoh ban thep ha ka minit kaba 14, 40+2 bad 50, katba u Wanphai Chyrmang ula ioh ban thep ha ka minit kaba 94 (extra time) naka bynta ka Myrjai ba kan khur jingjop. Ïa ki kol jong ka Pasyih Cultural la thep ar kol da u Devi Rymbai ha ka minit kaba 46 & 58, bad u Miki Rymbai ha ka minit kaba 74.
Haba phai sha kawei pat ka jingïakhun kaba ar, ka Mulang Ïalong ka la pynliem noh ïa ka Mookaswan Dongwah da 3-0 kol. Ïa kine la thep da u Sharelang Mulieh ha ka minit kaba 18, u Kordor Dhar 20 bad Poisuk Dhar ha ka minit kaba 28.
Ka jingïakhun semi final kan long ha ka 3 bad 4 tarik mynta u bnai.
