New Delhi, Nailur 01 (UNI)
U Air Marshal Tejinder Singh ha ka Sngi U Blei u la shimti kum u Deputy Chief of the Air Staff (DCAS) jong ka tnad shipai liengsuiñ ka ri.
U Singh uba la pyndep ïa ka jingpule na ka National Defence Academy (NDA), u la pynïasoh sha ka tnad shipai liengsuiñ ha ka 13 tarik Jylliew, 1987, ong ka kyrwoh.
U dei ruh u ophisar uba hap ha ka thup ‘Category A’ jong ka ‘Qualified Flying Instructor’ ha ryngkat 4500 kynta ki kynta her suiñ bad u la pyndep ruh ïa ka jingpule na Defence Service Staff College bad National Defence College.
U la khmih ruh ïa ka kynhun ki liengsuiñ ïakhun, ‘Radar Station’, ‘Premier Fighter Base’ bad u la long ruh u Air Officer Commanding, Jammu & Kashmir.
Kiwei-kiwei ki kam kiba u la bat ki kynthup kum u Operational Staff ha ka Command HQ, Air Commodore (Personnel Officers-1) ha Air HQ, Deputy Assistant Chief of Integrated Defence Staff, Financial (Planning) ha HQ IDS, Air Commodore (Aerospace Safety), Assistant Chief of Air Staff Operations (Offensive) bad ACAS Ops (Strategy) ha Air HQ.
Hashuwa jong kane, u la long u Senior Air Staff Officer, HQ Eastern Air Command (EAC) jong ka tnad shipai liengsuiñ ha Shillong, Meghalaya.
Shuh shuh u Singh u la ïoh pdiang ïa ka Vayu Sena Medal ha u snem 2007 bad Ati Vishist Seva Medal ha u snem 2022.
