Shillong, Nailur 01
Ka kynhun ïalehkai jong ka Myng-ken Christian HSS kan pynkhreh ïa ka jingïakhun kaba nyngkong ha ka lympung ïalehkai 63rd Subroto Cup International Football Tournament pyrshah ïa ka Dadra and Nagar Haveli and Daman and Diu (DD&DNH) ha ka por 4:30 janmiet ha ka nongbah Delhi.
Kane ka kynhun ïalehkai Under-17 ki shynrang kaba na Bhoirymbong, ka la don ha ka Group-F kaba kynthup lang ruh ïa ka Chandigarh bad ka Bihar.
Kat kum ka jingpynpaw da u District Sports Officer (DSO) Ri Bhoi u Bah Bobby L. Nongbet ha ka taïew ba la lah, u la ong ba kane ka kynhun ka la long ba la pynkhreh bha ïa katei ka lympung. “Ha jingshisha ngi la ïoh bha ban pynkhreh ïa ka kynhun namar ngi la ïoh kylluid ia ka por ban pynkhreh. Te kumta ngi khmih lynti ba kane ka kynhun kan ïalehkai bha bha ha katei ka lympung khnang ban wanrah nam bad burom ia ka Jylla hi baroh kawei.”
Lah ban pynkynmaw ba ka Jylla ka la lah ban khur ïa ka nam lahduh ha ka sien kaba nyngkong eh ha ka kyrdan ïalehkai Under-15 hadien ba ka Nongjri Presbyterian Secondary School ka la lah ban pynliem ïa ka Major Dhyan Chand Sports College kaba na Utter Pradesh da 3-0 kol ha ka jingïakhun final kaba la long ha ka 28 tarik u Nailar Bangalore.
Hynrei haba phai sha ka kynhun ki ‘thei ïalehkai Under-17 jong ka Christian Higher Secondary School na Ri Bhoi kam shym la lah ban kynjoh sha ka thong hadien ba ka la shah rem noh ha ka quarter final ha ka kynhun ïalehkai kaba na Manipur.
