New Delhi, Nailur 01
Ka Tnad Kam Pohïing ka la wanrah ïa ka Inter-Ministerial Central Team (IMCT), ba la khlieh da u Executive Director, National Institute of Disaster Management (NIDM) ban peit ïa ki jingjulor namar ka jingjur u slap bad ka jingshlei um ha Gujarat.
Shen ka IMCT kan leit sha ki distrik jong ka Gujarat ba shah ktah.
Hapdeng ka 25-30 tarik u Nailar, ka Jylla Gujarat ka la shah ktah ha u ‘lapbah ‘lapsan namar ka ‘depression’ kaba la jia ha Rajasthan bad Gujarat.
Ki Jylla Madhya Pradesh bad Rajasthan ruh ki la shah ktah ha u ‘lapbah ‘lapsan.
Ha une u snem, ka Jylla Himachal Pradesh ruh ka la shah ktah ha u ‘lapbah ‘lapsan bad ki jingtwa khyndew. Ka Tnad Kam Pohïing ka dang ïakren bad ki ophisar na kine ki Jylla, bad kan phah ïa ki IMCT sha kine ki Jylla ruh, lada ki ai jingtip shaphang ki jingjulor kiba jur.
Ha kane ka samoi slap, ki don sa kiwei-kiwei ki Jylla kiba la shah ktah ha u ‘lapbah ‘lapsan, ka jingshlei um, ki jingtwa khyndew bad kiwei-kiwei.
Hapoh ka jingïalam jong u Myntri Rangbahduh, u Narendra Modi, ka Sorkar Pdeng ka ïeng skhem ban ai ka jingïarap kaba ki Jylla kiba shah ktah ki donkam.
