Jop ka Moopliang, ïakhaid ka Dongmihsngi & Madankynsaw ha ka WJDSA Second Division

Ka jingïalehkai ha ka Sngi Ba-ar kan long hapdeng ka Khliehmynkrem pyrshah ïa ka Mukhla Umlangshor ha ka por 12 baje mynsngi. Katba ka jingïakhun semi final jong ka lympung ïalehkai 3rd Division Football Tournament...

Jowai, Nailur 02

Ka Moopliang ka la ïoh jingjop, katba ka Dongmihsngi bad Madankynsaw Mookyndeng ki la ïakhaid ha ka lympung ïalehkai Second Division Football Tournament-7th Debo Shullai Memorial Trophy ba la pynïaid da ka West Jaiñtia District Sports Association (WJDSA).

Ha ka jingïalehkai kaba la long ha ka Lah Sngi U Blei ha madan Kiang Nangbah Stadium Jowai, hapdeng ka Dongmihsngi bad Madankynsaw Mookyndeng ka la kut noh khlem don ba thep kol.

Ha ka jingïalehkai kaba bud, ka Moopliang ka la pynliem ïa ka Nangbah Dukhu da 4-2 kol. Ki nongthep kol jong ka Moopliang ki long u Byforce Star Dhar ha ka minit kaba 20, Sebastian Rymbai 42 & 52 bad u Riciest Star Dhar ha ka minit kaba 59.

Katba ki nongthep kol jong ka Nangbah Dukhu ki long u Lainuntura Nampui ha ka minit kaba 49 bad u Shlaimon Padit ha ka minit kaba 72.

Ka jingïalehkai ha ka Sngi Ba-ar kan long hapdeng ka Khliehmynkrem pyrshah ïa ka Mukhla Umlangshor ha ka por 12 baje mynsngi. Katba ka jingïakhun semi final jong ka lympung ïalehkai 3rd Division Football Tournament kan long hapdeng ka Newhill pyrshah ïa ka Lumpyrtuh Mihmyntdu ha ka por 3 baje nohphai sngi.