Chicago, Nailur:
Ki pulit ka nongbah Chicago na United States, ki la pyntip ba 4 ngut ki ‘riew paidbah ki la duh ei noh ia ka jingim ha ka jingshah synreit kuli naphang kaba la jia hapoh ka nongbah Chicago ha ka Sngi Nyngkong.
La ong ba ha ka por mynstep jong katei ka Sngi Nyngkong, ki pulit ki la ioh jingtip shaphang katei ka jingjia bad ki la leit poi sha ka Forest Park ha kaba ki la shem ia ka metiap jong kitei ki 4 ngut na katei ka jaka bad la pynbna iap noh ia ki baroh 4 ngut ha katei hi ka jaka namar ki nongsumar ruh kim shym lah shuh ban pyllait im ne ban pynkit ia ki sha jaka-sumar ha ka por kaba biang.
Watla katta, la ong ba ia ki 3 ngut la pynbna iap na katei hi ka jaka. Katba uwei pat u la khlad ha ka jaka sumar ha Loyola University Medical Center kaba don ha Maywood.
