Jowai, Nailur 06
Ka lympung ïalehkai 2nd Division Football Tournament-7th Debo Shullai Memorial Trophy ba la pynïaid da ka West Jaiñtia District Sports Association (WJDSA) ka la bteng ban ïaid shakhmat ha madan Kiang Nangbah Stadium, Jowai.
Ha ka jingïalehkai kaba la long ha ka 6 tarik Nailur, ka Lumbhahdakha ka la jop da 1-0 kol ïa ka Luti Tuber Ïalong lyngba ka kol ba la thep da u Rimiki Dhar ha ka minit kaba 43.
Ha ka jingïalehkai kaba bud, ka Rising Sun Mukhla ka la pynliem ïa ka Ïawmulong Nartiang da 2-0 kol. Ïa kine ki kol jong ka Rising Sun Mukhla la thep da u Chembun Suna ha ka minit ba 30 bad Ricky Sari ha ka minit 80+3min.
Ka jingïakhun Final ha ka sngi Saitjaiñ jong ka lympung ïalehkai 3rd Division Football Tournament-4th Adelbert Laloo Memorial Trophy kan long hapdeng ka Loomsooïung Newhill bad Mulang SC ha ka por 1.30 baje mynsngi.
