Shillong, Nailur:
Ka Khasi Students’ (KSU) Union Jowai Unit kan sa pynlong ïa ka ‘2nd Mait Shaphrang Academic Award’ jong u snem 2024.
Ïa kane ka khusnam kiba lah ban aplai dei tang kito ki samla ba dei trai shnong bad ba shong ba sah ha sor Jowai, kiba pule hapoh sor Jowai lane kiba leit pule shabar ka sor Jowai ha kiwei-kiwei ki skul.
Ka seng ha ka kyrwoh ka la ong ruh kiba lah ban ïoh ïa kane ka khusnam kin long tang kito kiba ïoh 75% shaneng ha ka HSSLC bad SSLC.
Kiba apali ïa kane ka khusnam ki hap ban pynpoi ïa ki kot donkam ha ophis treikam jong ka seng ha Solani Colony, Mihmyntdu ha ryngkat ki kot ki sla ba kynthup ïa ka ‘Marksheet Xerox’ (1 copy), ‘Marksheet Original’ ban pynshisha ïa u/ka nong aplai bad ‘phone number’ jong kiba apali, ne ki bahaïing.
Ka seng ka la ong ruh ba ka sngi pynpoi ïa ki ‘Marksheet’ kan long naduh ka 3/9/2024 haduh ka 30/9/2024 bad yn ym pdiang ïa kino-kino kiba wan ynda la kut ka por ba la bun.
Ïa kane ka khusnam yn pynlong ha ka 19/10/2024 bad ïa ka jaka yn sa pyntip pat ha shwa ka sngi ban pynlong.
Ban tip kham bniah halor katei ka bynta, lah ban ‘call’ ha u samla Ewani Phawa, President Jowai Unit (8119010073), samla Laymanki Paslien, Education Secretary Jowai Unit (7005045163) samla Nidapoi Shadap, General Secretary Jowai Unit (9863607377).
