Shillong, Nailur 10:
Ka Junior Girls Selection Committee jong ka Meghalaya Cricket Association ka la jied ïa 15 ngut ki nongïalehkai bad 5 ngut ki nongïalehkai standby ban mihkhmat ïa ka jylla ha ka BCCI U-19 Women’s T20 Trophy ka ban long shen.
Ka jylla Meghalaya la pynïasohlang bad ka Uttarakhand, Hyderabad, Jammu & Kashmir, Kerala bad Punjab. Baroh ki jingïalehkai jong ka Meghalaya, kata naduh ka 1 haduh ka 8 tarik u Risaw, yn pynïalehkai ha Rajkot, Gujarat.
Ïa kane ka camp pynkhreh jong ka jylla la pynlong ha madan Alotgre ha Tura. Tang ka kynhun kaba khatduh kaba don 15 ngut kan leit sha Rajkot; ïa ka tarik ban mih yn sa pyntip da ka MCA ha ka por kaba biang.
Ki nongkyrshan na ka bynta kane ka lympung ki kynthup ïa u Leonard Wankhar (head coach), u Laxman Chettri (assistant coach), ka Helyna Sangma (trainer), u Lucky Mary Marbaniang (physio) bad u Raju D Sangma (manager).
Ka kynhun ïalehkai jong ki kynthei ka Meghalaya U-19 kaba don 15 ngut ki nongïalehkai ki long ka Janika R Marak, ka Dawanshisha Warlarpih, ka Dianchidora N Sangma, ka Pilika Marak, ka Ronjoli Basumatary, ka Marme M Sangma, ka Monica Singh, ka Shreya R Marak, ka Awesa G Momin, ka Jayshree Singh, ka Nataylyn Mary Rabha, Marak, Julitha Sangma, Adela Kmen Lawai, Rosabel Lyngkhoi.
