Jowai, Nailur 11
Ka ïingkashari Session Court jong ka West Jaiñtia Hills District ka la rai pynrem ïa u Se Phawa halor ka jingdonkti ban leh be-ijot ïa kawei ka kynthei ha u snem 2008 da kaba set patok ïa u haduh phra snem kynthih.
Nalor kane, ka ïingkashari ka la daiñ kuna ruh ïa u T.5000, bad lada um lah ban siew un hap ban shong tam ha patok sa shi bnai. Ïa kane ka rai la pynbna da ka ïingkashari ha ka 9 tarik Nailur.
Ka Kashari ka la pynpaw ba namar katkum ka record, u Se Phawa u la dep shong patok lypa mynta la shi snem saw bnai bad kumta la khate noh ïa ka shi snem saw bnai kaba u la dep shong lypa.
Nalor kata, ka ïingkashari ka la pynbna ba u Se Phawa un shah set patok sa na ka bynta hynriew snem phra bnai, bad ka jingbym siew ïa ka kuna kan pynlong ïa u ba un hap ban shong tam hapoh patok sa na ka bynta shi bnai.
