Khliehriat, Nailur 11
Ka Ladrymbai Dongwah, Rymbai Madanpynriang ki la ïoh jingjop, katba ka Kairang bad Ïapmala United ki la ïasam mar shi poiñ ha ka 2nd Division Football Tournament ba la pynïaid da ka East Jaiñtia Hills District Football Association.
Ha ka jingïalehkai kaba la long ha ka sngi Balang ha madan Artificial Turf Deinshyn-rum, ka Ladrymbai Dongwah ka la jop da 3-0 kol ïa ka Pamra Paithlu SC. Ïa kine ki kol jong ka Ladrymbai Dongwah la thep da u Samuel Pala ha ka minit kaba 51 & 72 bad u Aerial Najiar ha ka minit kaba 63.
Ha ka jingïalehkai kaba bud ka Rymbai Madanpynriang SC ka la pynliem da 2-0 kol ïa ka Moosianglamare New YWOSC. Ïa kine ki kol la thep da u Donaldo Dkhar ha ka minit kaba 57 bad u Obadaia Bareh ha ka minit 80+2.
Ha ka jingïalehkai kaba khatduh jong kane ka sngi hapdeng ka Kairang SC bad Ïapmala UTD SC ki la ïakhaid mar 1-1 kol. Ïa ka kol jong ka Kairang la thep da u Rimon Nongtdu ha ka minit kaba 80+1 bad ïa ka Ïapmala United la thep da u Arky Lamo (58).
