Shillong,Nailur 11
Ka Mawryngkneng SC bad ka Pomlakrai SC ki la ïoh jingjop ha ka lympung ïalehkai Third Division Football League 2024 ba la pynïaid da ka Shillong Sports Association ha ka Sngi Balang.
Ha kane ka jingïakhun kaba la long ha madan Polo, ka Mawryngkneng ka la pynliem noh ïa ka Nongumlong SC lyngba ka shi kol ba la thep da u Baïehbok Sari ha ka minit kaba 54.
Ha kawei pat ka jingïakhun ka Pomlakrai SC ka la pynliem noh ïa ka Lapalang SC da 2-1 kol. Ïa kine la thep da u Meshai Tariang (10) bad u Macdonald Kurkalang (19), hynrei ka Lapalang ka la lah ban pynphai kylla lyngba u Dilang Wardkar (47).
Ka jingialehka ha ka sngi Palei kan long hapdeng ka Nongmensong SC pyrshah ïa ka Kharang SC (12:30), katba ka Ïaityllilang SC ïa ka Lumparing SC (3:30).
