Shillong, Nailur 11
Hynriew ngut ki khynnah ïalehkai karate ka Jylla hapoh ka lama jong ka Meghalaya State Karate-Do Federation (MSKDF) ki la khur takma ha ka 3rd Northeast States Karate-Do Championship kaba la kut dangshen.
Ïa kane ka lympung la pynïaid da ka Northeast State Karate-Do Federation of India bad ka Unified Karate-Do Association of Assam (UKAA) hapoh ka jingkhmih da ka Karate India Orga-nization (KIO).
Kiba la khur ïa ka takma ksiar ki long ka Ibanylla Ïawim (U-21 Female Kumite – 50 kg) bad ka Ngibanylla Iawin (10 – 11 yrs Female Kumite – 25 kg). Ïa ki takma Rupa la khur da ka Edaka Warjri (10 – 11 yrs Female Kumite – 25 kg) bad ka Baïarihun Myrboh (12 – 13 yrs Female Kumite – 35 kg). Katba ïa ki takma rnong la khur da ka Bashisha Nongrum (U-21 Female Kumite – 50 kg) bad ka Same-emlang Ïawim (12 – 13 yrs male Kumite – 25 kg).
Ha kane ka lympung la wan ïashim bynta kumba 760 na kylleng ki jylla ka thaiñ shatei lammihngi. Ka Assam ka la rah ïa ka nam lahduh bad ka Arunachal Pradesh ka la wan ba-ar.
Na ka liang u President ka NESKFI u Kiran Singh Thangjam u la pynbna ba ïa ka 4th Northeast Karate Champion-ship 2025 yn pynlong ha Itanagar kaba ha Arunachal Pradesh.
