Khliehriat, Nailur 12
Ka Moosianglamare Old SC ka la ïoh jingjop, katba ka Lakadong Umlatdoh SCSC bad ka Rymbai Pohskur SC ki la ïasam poiñ ha ka 2nd Division Football Tournament ba la pynïaid da ka East Jaiñtia Hills District Football Association (EJHDFA).
Ha ka jingïalehkai kaba la long ha ka Sngi Palei ha madan Artificial Turf Deinshynrum kaba ha Khlieh-riat hapdeng ka Lakadong Umlat-doh SCSC pyrshah ïa ka Rymbai Pohskur SC ki la kut ha ka jingïakhaid mar 1-1 kol.
Haba phai sha kawei pat ka jingïakhun, ka SWO Moosiang-lamare Old SC ka la pynliem noh ïa ka Khliehmyntriang SC lyngba ka shi kol ba la thep da u Premi Muksor ha ka minit kab 55.
Kumba ka paw ka Rymbai Madanpynriang SC bad Lakadong Umlatdoh SCSC ki la wan ha ka kyrdan ba ha khlieh duh jong ka miej kheiñ poiñ jong kane ka aïom ïalehkai 2nd Division
Ka Rymbai Madanpynriang ha ka sien ïakhun kaba arsien ka la kamai 6 poiñ, katba ka Lakadong Umlatdoh SCSC ha ka sien ïakhun kaba lai ka la kamai 5 poiñ. Ka Ladrymbai Dongwah, Moosiang Lamare New, Umlyngsha Youth SSC, Moosiang Lamare Old bad Deinshalalu ki la kamai mar 4 poiñ.
Ka Musniang, Lumputhoi, Khliehmyntriang ki la lah ban kamai mar 3 poiñ, katba ka Sutnga Mission, Ïapmala United, Kairang, Rymbai Pohskur ki kamai mar 2 poiñ, bud sa ka Ïongkaluh kaba dang kamai tang 1 poiñ.
