Shillong, Nailur:
Ka National People’s Youth Front (NPYF) ka la kitbok ïa u Bah Prestone Tynsong uba dei u State President ka NPP bad ruh u Symbud Myntri Rangbah ka jylla ba un shait un khlaiñ noh na ka jingshitom.
U Bah Kitborlang Nongrem u la ïathuh ba u Bah Prestone u la kham ïohbor hadien ba la ïoh ïa ka jingsumar, bad ong ba ki nongïalam ka NPP na baroh ki la kitbok ruh ba un ïoh noh ïa ka koit ka khiah ba pura.
Ha kawei ka liang, u Bah Nongrem u la pynpaw ka jingsngewsih halor ka jingkynthoh khlem akor palat pud hapoh ki ‘comments section’ ha ki rynsan social media, kaba la ktah ïa ki bahaïing bahasem bad ka longbriew-manbriew, bad bynrap ba wat u nongshun ruh un nym tim ïa kiba pang ba shitom.
U Bah Prestone u la shitom naduh ka 6 tarik mynta u bnai bad la ïalam shah sumar noh ha Nazareth Hospital ha ka 9 tarik, bad hadien ba u la kham koit u la leit shah sumar kham bha shuh shuh sha Nongbah Delhi ha ka Sngi Balang ka 11 tarik.
