Jowai, Nailur 12
Ka shi kol ba la thep da u Bankit Nongrum ka la biang pura ïa ka Mission SC Mawryngkneng ban pynliem noh ïa ka Ummulong SC da 1-0 kol ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club ha madan Wahïajer Sports Complex ha ka Sngi Palei.
Utei u rangïalehkai shakhmat u la lah ban thep kol ha ka minit kaba 67. Ïa ka nam ‘Man of the match’ la ïoh da u u Kordor Nongspung (ka Mission).
Ka jingïalehkai ha ka Sngi Saitjaiñ kan long hapdeng ka Mukhla Wahchnong pyrshah ïa ka Redmark FC ha ka por 2:30 nohphai sngi.
