Shillong, Nailur:
Shiphew ngut ki nonghikai kiba hikai ha ki skul ha Mawlai ki la shah pynkup burom ha ka Rotary Club of Orchid City Shillong namar ka jinglah jong ki ban ai jingshakri ha ka kam hikai.
Ïa kane ka jingpynkup burom la pynlong ha Mary Mount Higher Secondary School, Mawtawar ha ka sngi Balang ha kaba kine ki 10 ngut ki nonghikai ki dei kiba hikai ha St. Francis D Assisi Secondary School, Kynton Massar; O.M Roy Memorial School, Kynton Massar; Christ Church Secondary School, Syllaikariah; Sunrays Secondary School, Mawlai Nonglum bad Umshing Presbyterian Secondary School.
U kongsan ha kane ka sngi u dei u Rotarian, Biju BP, jong ka Rotary Club Trivandrum South. Ha ka jingkren jong u, u la ban jur ba nalor jong ki nonghikai kiba hikai ha ki skul, ka dei ruh ka kamram ban hikai ïa kito ki bym pat nang pat stad.
La kham pynphuh pynphieng ïa kane ka program da ki jingrwai bad jingshad na ki khynnah skul jong ka Mary Mount Higher Secondary School, Mawtawar ha ryngkat ka jingdonlang kiwei pat ki nonghikai bad kiwei kiwei.
