Shillong, Nailur 12
Ha ka Sngi Palei ki doktor jong ka Apollo Hospital, Delhi ki la pyndep ïa ka jingpuid (surgery) na ka bynta ka khlieh jong u Symbud Myntri Rangbah ka jylla u Bah Prestone Tynsong.
“U Bah Prestone Tynsong u la shah leh ïa ka surgery ha ka bynta ba shakhmat eh sha ka liang kdiang jong ka khlieh ne ka Left Fronto Temporal Parietal Craniotomy bad ka SDH ha ka Sngi Palei bad la pynkynriah noh ïa u sha ICU ha Apollo Hospital,” la pyntip u Commissioner & Secretary u Vijay Mantri ha ka kyrwoh khubor.
“U Symbud Myntri Rangbah u don hapdeng ka jingtipbriew bad ka jinglong-jingman ka jong u ruh ka biang, tang shu dep khmih bniah yn sa pynkynriah noh ïa u na ka ICU,” u la pyntip.
Lah ban kdew ba u Bah Prestone u la shah sumar ha ka ICU jong ka Nazareth Hospital hapoh jong ka Department of Neurosurgery ha ka 9 tarik u Nailur hadien ka jingkiew kynsan jong ka snam (Blood Pressure).
