Shillong, Nailur 13
Hadien ka jingïaid lynti ha ka Subroto Cup International Football Tournament 2024 kaba la poi sha kaba kut, u kapten jong ka kynhun ïalehkai Under-17 jong ka Mynken Christian Higher Secondary School u Wanplie Malang u la pynpaw ïa ka jingkhmih lynti ban leit ïasoh noh sha ki klob kiba don ha ka Jylla.
“Kumba ka long mynta ka por ka jong nga ka la poi sha kaba kut ha kaba ngam lah shuh ban dangbteng ha ka ban ïalehkai ha ka Subroto Cup, hynrei ngan hap ban bteng ïa ka kam ïalehkai da kaba leit pynïasoh noh sha ki klob kiba don hapoh ka Jylla,” la pynpaw u Wanplie hadien ba ka Mynken Christian ka la shah rem noh ha ka T.G English School kaba na Manipur lyngba ka jingshut tie-breaker da 4-3 kol ha ka jingïakhun final kaba la long ha ka 11 tarik mynta u bnai ha Dr. Ambetkar Stadium kaba ha ka nongbah Delhi.
“Kum u rangapkol nga don ïa ka jingthrang bad jingangnud ban ïoh ïalehkai na ka bynta ka Jylla ha kiwei pat ki kyrdan ïalehkai kum ka Under-19, Under- 20”
