Khliehriat, Nailur 13
Ka lympung ïalehkai Third Division Football Tournament ba la pynïaid da ka East Jaiñtia Hills District Football Association ka la nangjam shaphrang ha madan Artificial Turf Deinshynrum, Khliehriat.
Ha ka jingïalehkai kaba la long ha ka sngi Thohdieng, ka Evergreen Ladwahwapung SC ka la pynliem noh ïa ka Shymplong SCSC da 1-0 kol. Ïa kane ka kol jong ka Evergreen la thep da u Testme Dkhar.
Ha ka jingïalehkai kaba bud, ka Wahsanphaw SCSC bad ka Wahsarang SC ki la ïasam mar shi point hadien ba kin shym la lah ban thep kol haduh kaba kut ka jingïalehkai.
Ha ka jingïalehkai kaba khatduh hapdeng ka Tongseng Youth SSC bad ka Wapungshnong SC ki la ïasam mar shi point hadien ba ki la ïakhaid mar 2-2 kol. Ïa ki kol jong ka Wapung shnong la thep da u Wanphai Dkhar ha ka minit kaba 2 bad u Helpme Dkhar ha ka minit ba 63. Katba na ka Tongseng la thep da u Jimmy Amse ha ka minit kaba 6 bad u Nongpynthymmai Kyndoh (34).
