Jowai, Nailur 13
Ka Nangbah Dukhu bad Dongmihsngi ki la ïoh jingjop ha ka lympung ïalehkai 2nd Division Football Tournament (7th Debo Shullai Memorial Trophy) ba la pynïaid da ka West Jaiñtia District Sports Association (WJDSA).
Ha ka jingïalehkai kaba la long ha Kiang Nangbah Stadium, ka Nangbah Dukhu ka la lah ban pynliem noh ïa ka Caroline da 3-2 kol.
Ïa ki kol jong ka Nangbah Dukhu la thep da u Nathan Biate ha ka minit kaba 32 bad ïa ki ar kol la thep da u Siamthara Nampui ha ka minit kaba 77 & 80+3. Katba ïa ki kol jong ka Caroline la thep da u Alfred Dkhar (8) bad Germi Shylla (44).
Ha ka jingïalehkai kaba bud, ka Dongmihsngi ka la pynliem noh ïa ka Moopliang da 2-1 kol. Ïa ka kol jong ka Moopliang la thep da u Molify Sna ha ka minit kaba 48, katba ïa ki kol jong ka Dongmihsngi la thep da u Yowan i Suiam haka minit kaba 60 & 62.
