Shillong, Nailur 13
Ka kynhun ki nongïalehkai jong ka Meghalaya Police ka la lah ban khur ïa ar tylli ki takma ksiar ha ka rynsan ïakhun kti ba la tip kum ka 73rd All India Police Wrestling Cluster 2024 kaba la long ha Lucknow.
Kane ka takma ka la wan urlong lyngba ka Wandalin Syiemïong bad Alan Marbaniang.
Ha kane ka jingïakhun final, ka Wandalin ka la lah ban pynliem noh ïa ka nongïalehkai na Rajasthan, katba u Alan Marbaniang u la lah ban pynliem noh ïa u nongïalehkai na Harayana na ka bynta ban khur ïa ki takma ksiar.
