Shillong, Nailur 13
Ka President jong ka BJP Mahila Morcha Meghalaya, ka Kong Susuki Pariat ka la kyrpad ïa ki paidbah ka Jylla Meghalaya ba kin ai ka kti kamon ka kti kadiang ban kyrshan ïa u Steve Jyrwa uba ïakhun ha ka jingïakob shad kaba la tip kum ka India’s Best Dancer da kaba ‘vote’ ïa u.
“Kumba ngi la pyndonnam bad pyndonburom ïa u Amit Paul khamtam kan long ka jingsarong ïa ngi kum ki Jaitbynriew Khasi bad Jaiñtia ba ngi ïoh kane ka lad ba ngin ‘vote’ bad pynjop donburom ïa u Steve Jyrwa uba dei u nongshong shnong jong ka Meghalaya”, la ong ka President.
Ka jingthep ‘vote’ kan sdang ha ka por 8 baje mynmiet haduh ka 12 baje shiteng synñia lyngba ka Sony LIV App ha ka Sngi Saitjaiñ bad Sngi U Blei.
Kum ban shu kdew hangne, u samla Steve Jyrwa u dei ba shong ba sah ha Nongmensong.
