Shillong, Nailur 13
Ka jingïalehkai kaba khatduh eh ha ka Zone-B bad D jong ka Meghalaya Youth League 2024 kan long ha ka Sngi Saitjaiñ.
Namar ba ki don katto-katne ki jingïalehkai ki hap ban pynkylla, ka Zone-C ka dang don katto-katne ki jingïalehkai kiba dangsah bad ka Zone-A ka la lah pyndep ïa ki jingïalehkai jong ki.
Ka jingïakhun kaba heh ha ka Zone-B kan long hapdeng ki ar tylli ki kynhun kiba la ïoh ban lamkhmat kum ka West Jaiñtia District Sports Asso -ciation bad ka Amlarem Block Sports Association ha Kiang Nangbah kaba ha Jowai.
Ka Zone-D ka don ar tylli ki kynhun ha ka kyrdan U-14 kiba la la kamai mar 17 poiñ ha kaba ka Nongstoiñ District Sports Association kan leit ïakhun sha ka Mawshyn-rut Sports Association, katba ka Pyndengumïong District Sports Associa-tion kan pdiang ïa ka jingïakhun pyrshah ïa ka Mawkyrwat District Sports Association.
Ka Eastern Border Sports Association, kaba la don ha ka jingïaknieh ïa ka Nongstoiñ ha ka kyrdan U-16, kan ïakhun pyrshah ïa ka Tyrsad Area Sports Association.
Katba ha Shillong, ka Shillong Sports Associa-tion kan pdiang ïa ka Western Ri-Bhoi ha ka kyrdan U-16, katba ki kynhun ialehkai U-14 bad U-16 jong ka Sohra Sports Association kin leit sha Ri-Bhoi District Sports Association.
