Aizawl, Nailur:
Ka sorkar Mizoram ka la buh ka jingkyrpad ïa ka sorkar kmie ba ka la dei ban ai jingïarap sha ki nongri sniang kiba la shah ktah jur na ka jinglynshop jong ka jingpang African Swine Fever (ASF) ïa ki sniang ïa kaba la sdang naduh u snem 2021, la ïathuh ka jingthoh ba la phah da ki heh ba dei khmih.
Ha ka jingai jingkren ha ka jingïalang jong ka Animal Husbandry and Veterinary kaba la long ha Odisha ha ka sngi Thohdieng, u Myntri jong ka Mizoram Animal Husbandry and Veterinary Minister u C Lalsawivunga u la ong ba ka ASF ka la ktah jur ïa ka jylla bad khamtam ïa ka kamai-kajih jong ki nongri sniang, la ïathuh ka jingthoh ba la phah da ki bor ba dei khmih.
Kum shi bynta ban khmih bniah ïa ki jingdonkam ba ïadei bad ka jingsiew ïa ka bailutksan sha ki nongri sniang, u Lalsawivunga u la kyrpad ïa ka sorkar kmie ba kan siew ïa ka bailutksan sha ki nongri sniang kiba la ïakynduh jingeh na ka jingduhnong kaba khraw, la bynrap ka jingthoh.
U Myntri u la kyrpad ïa ka sorkar kmie ba kan pynïoh ruh ïa ki dawai ïada na kiwei pat ki ri kham kloi katba lah, la bynrap shuh shuh ka jingthoh.
