Jowai, Nailur 16
Ki jingïalehkai jong ka 2nd Division Football Tournament (7th Debo Shullai Memorial Trophy) ba la pynïaid da ka West Jaiñtia District Sports Association (WJDSA) ki la poi sha ka jingïakhaid ha baroh ar ki tylli ki jingïakhun ha ka Lah Sngi U Blei ha Kiang Nangbah Stadium, Jowai.
Ha ka jingïakhun hapdeng ka NSA pyrshah ïa ka Maitshaphrang Mowtyrchiah bad kumjuh ka Chilliangraij pyrshah ïa ka Khliehmynkrem ki la kut ha ka jingïakhaid hadien ba kim shym la lah ban thep kol.
Ka jingïalehkai ha ka Sngi Ba-ar kan long hapdeng ka Panaliar pyrshah ïa ka Lion Sports & Youth Affair ha ka por 12 baje mynsngi bad ka Lumpariat ïa ka Khliehmyntang Ïalong ha ka por 2 baje nohphai sngi.
