Jowai, Nailur 16
Ka shi kol ba la thep da u Evelmon Nongspung ka la biang pura ïa ka Friend United ban ïoh jingjop ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club, hadien ba ka la lah ban pynliem noh ïa ka Monjurlang FC da 1-0 kol ha ka Lah Sngi U Blei ha Wahïajer Sports Complex.
Utei u rangïalehkai u la ïoh ban thep kol ha ka minit kaba 42 na ka bynta ban pynurlong ïa ka Friends United ban ïoh lai point bad ïa ka nam ‘Man of the match’ la ïoh da u Dao Kharsati.
Kane ka lympung kan bteng biang ha ka 21 tarik mynta u bnai ha kaba ka Galaxy kan ïakhun pyrshah ïa ka 12 Daloi ha ka por 2:30 baje nohphai sngi.
