Tura Nailur 17
Uwei u briew uba la 27 snem ka rta na Daina-dubi, North Garo Hills u la jah rngai naduh ka 12 tarik Nailur.
Ïa ka jingujor jah rngai ba la phah sha u Superintendent of Police, North Garo Hills la ujor ha ka Sngi Ba-ar da u nongtrei mon sngewbha na South Garo Hills, u Greneth M. Sangma. Katkum ka kaiphod, u Arjan R. Marak (27 snem ka rta), khun jong u Lukesh Sangma bad nongshong shnong ka Balmikram, Dainadubi, u la jah rngai ha ka 12 tarik Nailur ha ka por kumba 9:45 baje mynstep.
Hashuwa, ki kaiphod haba ïadei bad ka jingjah rngai u lanot la dep ujor ha thanat Dainadubi bad Dudhnoi ha Assam. Ïa utei u lanot la ïohi khatduh ba u phong ïa ka ‘shirt’ ba thoh ïong, patlun lyngkot bad ki slipar.
Ka jingujor na u Greneth ka kyntu ïa ki pulit ban leh eiei noh mardor ban wad ïa utei uba jah rngai kumjuh ban pyntikna ïa ka jingwan phai suk jong u. La kyrpad ruh ïa ki nongshong shnong ban kynjoh ktien sha ki bahaïing bahasem jong u halor kano-kano ka jingtip lyngba u ‘mobile number’ – 8638487595.
