Shillong, Nailur 17
U Bah Wellborn Bynnud uba dei u nongshong shnong jong ka Hima Sohra u la thad madan bad sei ïa kawei ka durkhih kaba la pyni ba ki katto-katne ki kali rit jong ki ‘riewshimet ki la pakhang lynti ïa ki trok ban thew ban woh ha ki Weight Bridge ha shwa ban rung buh mawshun sha Ri Bangladesh lyngba ka Majai Land Custom Station.
Haba kren sha ki lad pathai khubor ha Shillong Press Club ha ka 17 tarik Nailur 2024, u Bah Wellborn u la ong ba ki la mih ki jingkynnoh pyrshah ïa u ba u dei uwei na ki nongkhaïi bar Ri ne ‘Exporter’ bad uba la kit palat pud, kumta u la maham ba un sa shim da ki sienjam kiba tyngeh pyrshah ïa kitei ki nongkhaïi bar Ri kiba la kynnoh khlem jingpynshai ïa u.
“Nangno nga ju kit maw? Ka nombar plate kali kaba katno ba nga ju pyndonkam bad ka ‘Challan’ aïu kaba nga ïaid hangthie?”, la buh jingkylli u Bah Wellborn.
U la ong ba jingkynnoh jong ki ka long ruh hapdeng ka jingap jubab na ka ophis ka Commissioner of Transport na kaba u la dawa ba dei ban tehlakam ïa ka jingkit palat pud kiba la wanrah ka jingjulor ïa ki surok ha katei ka thaiñ khamtam ka surok kaba peit da ka Hima Sohra kaba 1.8 Km shwa ban rung sha Bangladesh bad ong ba lada ym lah ban sumar ïa katei ka surok, kan wanrah ïa ka jingsniew kaba kham jur bad ban pynneh ïa ka jingbha ka surok, ka long kaba donkam ban peit naduh ka jingthew jingwoh ha ka ‘Weight Bridge’ kaba dei ka jaka kaba thew ïa ki trok kiba kit mawshun na Majai Land Custom sha Bangladesh.
U la ong ba kitei ki trok ki dei kiba ïaid bad kit palat ïa ka 12 tonn ki la pynkheiñ ïa ka hukum jong ki bor pynïaid distrik ka East Khasi Hills ba ki trok kim bit ban kit palat ïa ka jingthew.
U la ong imat lehse ka don ka jingïasuhbuit hapdeng ki bor ba halor, ka tnad Transport, bad ki nongkhaïi ba kin ailad ïa ki trok ba kin palat ïa ka 12 tonn bad ong ba long kaba donkam ban buh da ka jingtohkit CBI ïa katei ka tnad khaïi ha Majai.
“Hato ka don ka jingïatreilang jong ka tnad Transport bad kine ki nongkhaïi ba kin kit palat ïa ka 12 tonn? Don aïu hapdeng jong kane ka jingïaid jong ki?
