Shillong, Nailur 17
U President ka Meghalaya Chess Association (M.C.A) u Bah K. M. Warjri u la shah jied kum u Chairman ka Committee for Chess Develop-ment ha ka thaiñ shatei lammihngi bad na ka bynta ka Andaman & Nicobar.
Ïa kane la shim ha ka jingïalang General Body Meeting ba la pynlong da ka All India Chess Federation (A.I.C.F) kaba la long ha ka 12 tarik mynta u bnai ha nongbah Delhi.
Ha katei ka jingïalang u Bah Warjri u la shah jied ruh kum u dkhot ka Advisory Committee jong ka All India Chess Federation.
Na ka liang ka MCA lyngba ka kyrwoh ba la pyllait da u K. Pajat, General Secretary u la pynpaw ka jingsngewkmen halor ka jingshah jied utei u nongïalam jong ka synjuk ban shimti kum u chairman jong ka komiti na ka bynta ban kyntiew ïa kane ka jingïalehkai ha ka thaiñ shatei lammihngi bad ha Andaman & Nicobar.
