Shillong, Nailur:
Ka Khasi Jaiñtia Deficit School Teachers Association (KJDSTA) ka la ïoh ban jied ïa ki nongïalam bad nongkitkam ba thymmai na ka bynta ka samoi treikam 2024-2027.
Ïa ka jingïalang ne ilekshon ban jied ïa ki nongkitkam la pynlong ha ka 14 tarik mynta u bnai, hadien ba ka Electoral College kaba la long ha ka 31 tarik u Nailar, 2024 ka la pynbeit ïa kane ka sngi.
Ki Nongïalam kiba la shah jied thymmai ki long President Kong AM Lyngwa na ka Mairang Presbyterian Higher Secondary School, Vice President Bah Lukas Sungoh na St Dominic Savio’s Higher Secondary School, Mawkhar bad Mandakini Hazarika na St. Anthonys Higher Secondary School, Laitumkhrah, Shillong. General Secretary Bah Raynold Basaiawmoit na Gorkha Secondary School, 3 Mer Upper Shillong.
Ki Joint Secretary ba la shah jied ki long u Bah Richmond Kharlukhi na Sacred Heart Girls’ Higher Secondary School, Mawlai Phudmuri bad Kong Memory M Kurbah na St. Dominic Savio’s Hr. Secondary School, Mawkhar, Shillong. Treasurer la jied ïa u Ashim Dey na ka Shillong Jail Road Boys’ Higher Secondary School, Shillong. Assistant Treasurer u Mrinal Patowary na Christ King Secondary School, Riangdo, Organising Secretary u Ajay Tamang na ka HL Mizo Sec. School, Happy Valley, Shillong bad Assistant Organising Secretary Bah Macbelistar Lyngdoh na ka Sacred Heart Girls’ Higher Secondary School, Mawlai Phudmuri.
Na ka liang jong ka KJDSTA ka la pynpaw ka jingkyrmen ba ka jinglong nongïalam bad ka jingthmu jong kine ki nongkitkam ba dang shu jied thymmai kan ïarap shibun ïa ka jingroi bad jingjop jong ka seng.
