Nongstoiñ, Nailur 18
U Deputy Commissioner (DC) jong ka West Khasi Hills District Bah Garod LSN Dykes, IAS, u la pynbna ba kino kino ki briew ne ki seng kiba thmu ban pynlong ïa ki jingïalang paidbah ne ki jingïalang kiba heh kiba don palat 100 ngut ki nongwan ki dei ban pan jingbit shwa na ki bor pynïaid District.
Ha ka kyrwoh khubor, u DC u la ong ruh ba ki nongpynïaid ki dei ban pyntip lypa sha ki bor district ym duna ïa ka lai sngi shwa ka jingïalang khnang ba yn ïoh ban bthah ban pynbeit ïa ka jinglum ïa ki jaboh kiba mih na kita ki jingïalang paidbah.
Ha kajuh ka por, u la ong ruh ba dei ban pynïakhlad bha ïa ki jaboh shuwa ban aiti sha ki nonglum jaboh ba la buh ne ka society ba la ithuh da kane ka ophis.
Ka kyrwoh khubor ka ong ruh ba kane ka jingpynbna la pynmih katkum ka jingbud ryntih ïa ka shithi No. MPCB/ TB-955/2019/2024-2024/304, kaba 20 tarik Nailar, 2024.
