Shillong, Nailur 19
Ka Sohïong SC ka la ïoh jingjop ha ka lympung ïalehkai Second Division Football League 2024 ba la pynïaid da ka Shillong Sports Association, hadien ba ka la lah ban pynliem noh ïa ka Smit SC da 1-0 kol ha ka Sngi Palei.
Kane ka nam jop ka la wan urlong lyngba u Albert Malngiang uba la ïoh thep kol ha ka minit kaba 18.
Haba phai sha kawei pat ka jingïakhun kham shwa hapdeng ka Imson SC bad ka Umphrup SC ki la ïasam mar shi point hadien ba ïakhaid mar 2-2 kol.
Ka jingïalehkai jong ka Third Division ha ka Sngi Thohdieng kan long hapdeng ka Nongumlong SC pyrshah ïa ka Nongmynsong SC ha ka por 12 baje, katba ka Rynjah SC ïa ka Tynring SC ha ka por 3 baje janmiet.
Na ka liang u Asst. Football Secretary ka SSA u Bah Bishar Roy Warkhyllew u la pynbna ba na ka daw jong ka jinglyngkot ka por ba la kem dum kloi, la shim rai kyrkieh ba naduh ka 20 tarik baroh ki jingïalehkai ha SSA Stadium yn pynlong noh ha ka por 12 baje bad 3 baje janmiet.
