Shillong, Nailur 20
Ar ngut ki briew ki la shah kem noh ha ki nongshong shnong jong ka Kench’s Trace, Laban, Shillong halor ka jingkynnoh ba ki la pyrshang ban tuh na kawei ka ïing kaba don ha kane ka shnong.
Katkum ka khubor na ki pulit la ong ba ha ka janmiet jong ka 18 tarik mynta u bnai, ki nongshong shnong ka Kench’s Trace, Laban, Shillong ki la ïoh ban kem noh markhmat ïa ki ar ngut ki briew ba la tip kyrteng kum u Rohit Lama (34 snem) bad u Roshan Koshal (32 snem) katba ki dang pyrshang ban tuh na ka ïing jong u Amitab Ghosh. La ong ba ïa kine ki briew hadien ba la ïoh ban bat, la aiti noh sha ki pulit na ka bynta ba kin leh ïa kaba donkam katkum ki kyndon jong ka aiñ.
