Shillong, Nailur 20
Ka Nongumlong bad ka Tynring SC ki la ïoh jingjop ha ka Third Division Football League 2024 ba la pynlong da ka Shillong Sports Association ha ka Sngi Thohdieng.
Ha kane ka jingïakhun ka Nongumlong SC ka la pynliem noh ïa ka Nongmynsong SC da 3-1 kol. Na ka Nongumlong la thep da u Keswell Nongneng ha ka minit ba 27, Nehlang Kharsahnoh (66min) bad u Sustain Nongbasap ha ka 81 min ïalehkai. Katba ka shi kol jong ka Nongmensong la ïoh ban thep da u Kevin Lyngdoh (80min).
Ha kawei pat ka jingïakhun ba ar, ka Tynring SC ka la jop da 2-0 kol ïa ka Rynjah SC. ïa kine kol la thep da u Commanding Swer ha ka minit ba 36 bad u Jesleyroy M.Pdah ha ka minit ba 51.
Ka jingïakhun ha ka Third Division mynta ka sngi (Saitjaiñ) kan long hapdeng ka PFR FA pyrshah ïa ka Marbisu SC ha ka por 12 baje, katba ka Jongksha SC ïa ka Mylliem Lum ha ka por 3 baje janmiet.
