
Shillong, Nailur 22
U Akashay Kumar bad ka Ankita Ben Gavit ki la rah ïa ka nam jop ha ka Elite 21km jong ka 3rd Sohra International Half Marathon 2024, katba u Kresstarjune Pathaw bad ka Phyrnai Kyndait ki la long ki nongjop na ka Jylla (21k Meghalaya) kaba la long ha ka Sngi Saitjaiñ ha Sohra.
Ha kane ka jingïakob u Akashay u la lah ban pyndep ha ka 1 kynta bad 3 minit. Kane ka long ka por kaba kham bha ban ïa kaba u nongmareh ka Jylla u Wolbetstar Ramsiej u la lah ban pyndep ha u snem 2023 ha ka 1 kynta, 4 minit bad 35 sekhon.
U Lovepreet Singh u la shah tam haduh 19 sekhon ha u Akashay na ka bynta ban wan ba-ar, katba u Kailash Chaudhary u la wan ba-lai (1:05:00). Ha ka liang ki kynthei ka Ankita ka la lah ban pyndep ha ka 1:14:04 sekhon ban wan ha ka kyrdan ba nyngkong, ka kyrdan ba-ar la ïoh da ka Tamsi Singh (1:14:12) bad balai da ka Nisha (1:21:59).
Ha ka liang ki nongmareh na ka Jylla, u Kresstarjune Pathaw u la lah ban pyndep ha ka 1:05:21 sekhon, ïa ka kyrdan ba-ar la wan da u Emphius Nongrum (1:09:26) bad balai u Teiboklang Biam (1:09:54). Katba ka Phyrnai ka la lah ban pyndep ha ka 1:29:37 sekhon na ka bynta ban wan ha ka kyrdan ba nyngkong ha ka liang ki kynthei. Ïa ka kyrdan ba-ar la ïoh da ka Bandasharai Marwei (1:32:50) bad balai ka Filinza Hansepi (1:33:55).
Ha ka liang ki nongmareh ha ka 10k (18-40 snem) la jop da u Mohd Aleem uba la lah ban pyndep ha ka 29 minit bad 25 sekhon, ïa ka kyrdan ba-ar la ïoh da u Pankaj Kumar (0:29:25) bad balai da u Skhemlang Suba (0:29:52). Ha ka liang ki kynthei la rah nam jop da ka Ibandarisha K. Wanñiang kaba la lah ban pyndep ha ka 41 minit bad 34 sekhon, ba-ar ka Risalang Marweiñ (0:41:51) bad balai ka Meena Kumari Subba (0:42:17).
Ha ka liang kiba 40 haduh 50 snem (10k) la rah nam jop da ka Kong Twina Parïong kaba la lah ban pyndep ha ka 43 minit bad 31 sekhon, ïa ka kyrdan ba-ar la ïoh da ka Kong Sisilia Lyngdoh (0:46:07) bad balai ka Kong Aibistreslin Mawleiñ (0:47:32). Ha ka liang ki shynrang la rah nam jop da u Bah Tlanding Wahlang (0:31:46), ba-ar u Bharat Bhushan (0:32:24) bad balai u Rajendra Singh (0:33:46).
Ha ka jingïakob jong kiba 50-59 snem la jop da u Bah Laurance Parïong (0:34:15), ba-ar u Bah Arvind Basaïawmoit (0:39:11) bad balai u Bah Roman K.Bani (0:39:27). Ha ka liang ki kynthei la rah nam jop da ka Kong Snora Lyngkhoi (0:49:39), ba-ar ka Rumila Terangpi (0:50:24) bad balai ka Kong Ibameri Shullai (0:54:25).
Ha ka liang ki nongjop jong kiba 60 snem shaneng la rah da u Aloke Kumar Mahata (0:42:58), ba-ar u Bah Darius Lyngdoh (0:48:09) bad u Bah Edius Shangdiar (0:48:09). Ha ka lang ki kynthei la jop da ka Kong Rolinda Wanñiang (0:51:52), ba-ar ka Kong Snora Rani (0:53:09) bad balai ka Kong Klara Marweiñ (0:53:10).
Kitei ki nongjop ki la ïohpdiang da ka khusnam pisa bad haba kheiñ kyllum lang baroh ki jingpynlut na ka bynta ki khusnam ki long T. 40.60 lak tyngka. Ki la don palat 7,000 ngut kiba la wan ïashim bynta ha katei ka jingïakob mareh kaba kynthup ïa ka 5km ‘Fun Run’ bad 2000 ngut ki nongmareh kiba na ka thaiñ Sohra.