Shillong, Nailur 23
Ka Meghalaya Chess Association (MCA) ha ryngkat ka jingkyrshan lang bad ka shlem treikam jong ka Samagra Shiksha Abhiyan (SSA), ka la pynkut noh ïa ka “Meghalaya State School Chess Championship 2024” kaba la long ha ka 20 ad 21 tarik mynta u bnai ha St. Anthony’s Higher Secondary School, Shillong.
Ïa kane ka lympung la phiah ha la ki jong ki kyrdan ïalehkai kiba kynthup ïa ka Under-10 (Open), Under – 13 (Boys & Girls) bad ka Under-16 (Boys & Girls) ha kaba la wan shim bynta da kumba 310 ngut ki khynnah skul kiba la wan na ki skul bapher bapher. La plie pyrda ïa kane ka lympung da u Father Anthony Kharkongor, Principal jong ka St. Anthony’s HSS kum u kongsan.
Ha ka Under- 10 (Open Category) la jop da u Advitiya A. G (Army Public School, Shillong), ba-ar u Donbok Ezra L. Mawphlang (Christian Academy, Shillong), balai u Aiden Dylan Majaw (St. Edmunds School, Shillong) bad basaw u Vivaan Kumar (Army Public School, Shillong).
Ha ka Under-13 (Girls Category) la jop da ka Cheaha Nikgame G Momin (Woodland Secondary School, Dalu), ba-ar ka Dibamiat Imerisa Khonglam (Loreto Convent, Shillong), balai ka Adora K. Marak (Sherwood School, Tura) bad basaw ka Philapynkmen Khyriem (Multipurpose HSS, Mawngap).
Ha ka Under- 13 (Boys Category) la jop da u Nikman G. Momin (St Thomas HSS, North Garo), ba-ar u Jennry Tsopoe (St. Anthony’s HSS, Shillong), balai u Jeveswar B Marak (St. Anthony’s HSS, Shillong) bad basaw u Ratnadeep Dutta (Kendriya Vidyalaya EAC, Upper Shillong).
Ha ka Under- 16 (Girls Category) la jop da ka Amaziah Gapesa Ch. Marak (Casarina Public School, West Garo), ba-ar ka Rishta G Momin (St. Paul’s HSS Marbisu), balai ka Saphirity Wahlang (Anderson HSS, Nongstoiñ) bad basaw u Careen Sapphire Laloo (Leads HSS, Shillong).
Ha ka Under- 16 (Boys Category) la jop da u Peter Randolph Pariat, St. Edmunds, Shillong), ba-ar u Diego Derian Ch Marak (Don Bosco HSS, Bahgmara), balai u Aibanjop Jarain (St. Anthony’s HSS, Shillong) bad basaw u Brian CJL Marshilong (JNV, Nongstoiñ).
Ïa ki khusnam sha ki nongjop la sam da u Director of School Education & Literacy u Swapnil Tembe (IAS) kum u kongsan ha ka jingdon lang u President (M.C.A), Bah K. M. Warjri bad u General Secretary (M.C.A) Bah Khrawkupar Pajat. Ïa ki khusnam pisa la sam sha ki nongïalehkai kiba la wan haduh ka kyrdan basaw.
