Shillong, Nailur 23
Ka Meghalaya Cricket Association (MCA) ka la pynbna ïa ka kynhun ki nongïalehkai na ka bynta ka U-19 Vinoo Mankad Trophy 2024-25, kaba dei ka jingïalehkai one day 50 over.
Ka selection committee jong ka MCA ka la jied ruh ïa saw ngut ki rangïalehkai ba la pynap lypa. Kane ka kynhun ïalehkai ka Jylla ka dang don mynta ha ka jingpynkhreh ha Jagiroad, Assam bad kan leit sha ki jingïakhun ha ka Vinoo Mankad Trophy kiba baroh kin long ha Cuttack ha ka 1tarik Risaw.
Ka Meghalaya ka la shah pynngat hapoh ka thup kaba kham jwat ha kaba ka kan ïakynduh pyrshah ïa ka Baroda, Bengal, Assam, Karnataka bad Maharashtra.
Kumta ka kynhun ïalehkai ka Jylla kan pynkhreh ïa ka jingïakhun kaba nyngkong pyrshah ïa ka Baroda ha ka 4 tarik u Risaw, kumjuh ïa ka Bengal ha ka 6 tarik, ïa ka Assam ha ka 8 tarik bad ïa ka Karnataka ha ka 10 tarik.
Bun na ki rangïalehkai U-19 kiba mihkhmat ïa ka Jylla ha ka samoi ïalehkai ba la dep, la nang ïai pynskhem ïa ki na ka bynta u snem 2024-25, katba katto-katne ki khlur jong ka kynhun ïalehkai U-16 jong u snem ba la dep, kum ki nongkawang bol kita u Apandanka R Marak bad u Gaurav Jyoti Thakuria, la pynrung ïa ki mynta u snem.
Ki kyrteng ki rangïalehkai ka kynhun ïalehkai U-19 ki long u Apandanka R Marak, Aashish Kumar Lohar, Angkit Tamang, Dipayan Nandi, Dipankar Baruah, Gaurav Jyoti Thakuria, Heiyomiki Ryngkhlem, Jarrett M Wanniang, Kshitij, Manthan Dey, Pushkar Rajbhare Singhania Rasaily, Salchang Sangma bad u Shavian Blah. Kiwei pat ki saw ngut kiba la pynap lypa ki long u Grish Raj Ray, Chengsrang S Marak, Manthan Gupta bad u Gaurav Narleng
Ki coach ki kynthup ïa u Sandipan Deb Nath (Head Coach), Shiva R Sangma (Assistant Coach), Hamboy Langbang (Physio), Gregory G Syiemlieh (Trainer) bad u Prewindson D Sangma (Manager).
