Shillong, Nailur 23
Ka lympung ïalehkai Second Division Football League 2024 ba la pynïaid da ka Shillong Sports Association ka la nangjam shaphrang ha kaba ka Sohïong SC ka la ïoh jingjop hadien ba ka la lah ban pynliem noh ïa ka Imson SC da 3-0 kol ha ka Lah Sngi U Blei.
Kane ka nam jop ka la wan urlong lyngba u Coming Jana uba la ïoh thep ar kol bad ïa kawei pat la pynbud da u Albert Malngiang.
Wat la kine ki kynhun kim shym la lah ban thep kol ha ka kylla step, hynrei u Coming Jana u la ïoh ban thep ar kol ha ka kylla miet. kita ha ka minit kaba 54 & 54. Ïa kawei pat ka kol la pynbud da u Albert Malngiang ha ka minit kaba 69.
Haba phai sha kawei pat ka jingïakhun kaba ar, ka Meghalaya Police F.T ka la pynliem noh ïa ka Umphrup SC da 1-0 kol. ïa kane ka kol la thep da u Wanskhemlang K Mawlong ha ka minit kaba 19.
Ka jingïalehkai quarter final jong ka Third Division kan long ha ka Sngi Ba-ar ha kaba ka Mawryngkneng SC kan ïakhun pyrshah ïa ka Lumparing SC ha ka por 12:15, katba ka Mawpat SC ïa ka Kharang SC ha ka por 3 baje janmiet.
