Jowai, Nailur 24
Ka YBSC Shella ka la pynliem noh ïa ka CB Kharsati da 2-0 ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club ha madan Wahïajer Sports Complex ha ka Sngi Ba-ar.
Kane ka nam jop ka la wan urlong lyngba ki kol ba la thep da u Rebanson Marpna ha ka minit kaba 22 bad u Naresh Laitmon ha ka minit kaba 67. Ïa ka khusnam ‘Man of the Match’ la ïoh da u Naresh Laitmon.
Ka jingïalehkai kaba bud kan long ha ka 26 tarik hapdeng ka Golden Lion pyrshah ïa ka Sohphoh SC ha ka por 2:30 baje nohphai sngi.
