Imphal, Nailur:
Katkum ka jingthoh ba la phah da ki pulit ha ka Sngi Ba-ar, la ong ba la ïoh ban kurup ïa ka suloi Self-Loading Rifle bad kiba bun ki bom kawang kti bad ki kuli RPG Shells ha Bishnupur kaba don ha Manipur.
Ha ka por ba ka la don ka jingleit khynra ha ki thaiñ kiba hap hapoh ki lum Machin Mano jong ka distrik, ki pulit ki la ïoh ban kurup ïa ki tiar siat bad ki tiar pynbthei ha ka Lah Sngi U Blei. Ka SLR bad u kuli, ar tylli ki ‘namding with Rocket-Propelled Grenades (RPG) Shells, ar tylli ki RPG Shell Chargers, lai tylli ki bom kawang kti HE-36 bad ki bom kawang kti ka China la ïoh ban kurup, la ïathuh ka jingthoh ba la wan na ki pulit.
Ki la don palat 200 ngut ki briew kiba la shah pynïap bad da ki hajar ngut ki la sah khlem ïing khlem sem ha kane ka jylla kaba la shah ktah ha ka jingjia ïakynad hapdeng ki Meitei kiba ha Imphal Valley bad ki Kuki kiba don ha ki jaka ba marjan bad ki jaka lum ha Manipur naduh u bnai Jymmang jong u snem ba la lah.
