Jowai, Nailur 24
Ka Panaliar bad Lion Sports & Youth Affairs ki la ïoh jingjop ha ka lympung ïalehkai 2nd Division Football Tournament (7th Debo Shullai Memorial Trophy) ba la pynïaid da ka West Jaiñtia District Sports Association (WJDSA).
Ha ka jingïalehkai kaba la long ha madan Kiang Nangbah Stadium, Jowai, ka Panaliar ka la jop da 1-0 kol ïa ka Khliehmyntang Ïalong bad ïa kane kol la thep da u Samhame Sumer ha ka minit kaba 80+2.
Ha ka jingïalehkai kaba bud, ka Lion Sports & Youth Affairs ka la pynliem noh ïa ka Shangpung Moosyiem da 3-0 kol. U Da o hi Paslein u la thep ar kol ha ka minit kaba 8 & 63 bad ïa kawei pat la pynbud da u Chanmi Phawa ha ka minit kaba 61.
Ka jingïalehkai ha ka sngi Palei kan long hapdeng ka Shangpung Khliehmuchut pyrshah ïa ka Lutituber Ïalong ha ka por 12 baje mynsngi, katba ka Lumbhahdakha Wahïajer ïa ka Rising Sun Mukhla ha ka por 2 baje nohphai sngi.
