Shillong, Nailur 24
Kum shi bynta jong ka lehkmen synrai bad kyntiew ïa ka jingïalehkai badminton, ka Shillong Badminton Coaching Centre ka la sdang ïa ka lympung ïalehkai Shillong Autumn Badminton Open Challenge 2024 ha J.N. Indoor Sports Complex ha ka sngi Ba-ar.
Ïa kane ka lympung la plie da u General Secretary ka Meghalaya State Badminton Association bad la kyrshan lang da ka Meghalaya AIDS Control Society, Meghalaya Tourism, Wellness Club, Umroi bad kiwei.
Ha kane ka lympung la wan shim bynta da 62 ngut ki khynnah ha la ki jong ki kyrdan, kita ka U-13, U-15, U-17 bad U-19.
Kat kum ka kyrwoh la ong ba naduh ka 27 & 28 tarik mynta u bnai yn wan shim bynta lang da ki nongïalehkai ba la rangbah (veteran) ha ki rta 35+, 45+, 55+ bad 60+. Ha kane ka thup ki don ruh ki nongïa-lehkai kiba na Guwahati bad na kiwei dei ki jaka kylleng ka thaiñ shatei lam mihngi.
