Guwahati, Nailur:
Ki bor pynïaid distrik ka la pynmih ïa ka hukum hadien ba la sakhi ba ki la don bun ngut ki khynnah ha bun tylli ki skul ha Guwahati kiba la kem pang bad kyllon namar ba jur palat ka jingshit.
“Halor kane ka bynta ha kaba ïadei bad ki kaiphot ba la ïoh na ki heh nongpynïaid jong kiba bun ki skul kiba hap hapoh ka jingkhmih jong ka Kamrup Metro ha kaba ïadei bad ki jingjia bapher bapher kiba la jia ha kylleng ki jaka ha kaba ïadei bad ka jingshah ktah jong ki khynnah skul namar ka jingjur palat jong ka jingshit bad namar ka jingmynjur jong u District Commissioner, ka Kamrup Metro, ka la shim ïa ka rai ba baroh ki skul sorkar/skul jylla bah/ ki skul jong ki riewshimet kiba hap hapoh ka Kamrup Metro ki dei ban khang naduh ka 24 tarik haduh ka 27 tarik, Nailur, 2024 namar ka jingjur bad ka jingnang kiew jong ka jingshit ha ka distrik,” la ong ka jingpynbna ba la phah da ki bor ba dei khmih.
