Jowai, Nailur 26
Ka Sohphoh SC ka la pynliem noh ïa ka Golden Lion FC da 5-2 kol ha ka lympung ïalehkai Inviatation Knockout Football Tournament ba la pynïaid da ka Wahïajer Sports Club ha ka Sngi Palei ha Wahïajer Sports Complex.
Ha lyndet jong kane ka nam jop ka la wan urlong lyngba u Sumar Suting uba la thep marwei haduh ar kol ha ka minit kaba 7 & 22, katba ïa kiwei pat la thep da u Welson Suting (55), Risuk Suting (74) bad Lovingstar Suting (80+3).
Na ka liang ka Golden Lion ka la lah ban pynphai kylla ar kol lyngba u Thrangdor Swer (9) bad Tenligent Dkhar (44) shwa ban kan mad ïa ka jingshah rem. U Sumar Suting u la ïohpdiang ïa ka nam Man of the Match.
Kane ka lympung kan bteng biang ha ka 30 tarik ha kaba ka Nongdawah SC kan ïakhun pyrshah ïak a Najan Hi FC ha ka por 2:30 mynsngi.
