Shillong, Nailur 27
Ki samla kiba kamai jakpoh da kaba ñiah ar-shaka na Motphran ki la rai ban sangeh kamai ha ka Sngi Thohdieng ha ka por mynstep ban pyrshah ïa ka jingshah daiñ kuna ki ar-shaka kiba kamai ha Shillong haduh T.10,000 ha ki Motor Vehicle Inspector jong ka tnad Transport.
Kine ki samla ki la shong beit ha ar-shaka (scooty) tangba kim treh b?n kit briew wat la bun ki paidbah ki la wan kyrpad ïa ki khamtam kiba kyrkieh kam.
Haba ïoh ban ïakren bad kine ki samla, ki la ïathuh kiba kamai jakpoh da ka ‘scooty’ ki don palat 400 ngut ha Shillong kata kiba ïeng ha Motphran, Anjalee Pump, Malki, Nongthymmai bad Laitumkhrah.
Ki la pyntip ba ki la ??p phah jingthoh sha ka sorkar ba kan ai ‘permit’ ba kin siew khajna sha ka sorkar bad ai ruh ka jingshngaiñ ïa ki hynrei ka sorkar kam leh eiei.
Ki la ïathuh ba kiba bun ki samla dei kiba la pyndep Graduation ha ki kyrdan pule bapher bapher hynrei namar kim ïoh kam ki hap ban wan bylla kamai jakpoh da kaba ñiah ‘scooty’. Ki la pyntip ba don bun ki samla kiba shim da ka ram ban thied ‘scooty’ ban kamai jakpoh. Kane ka ktah ïa ki (samla) namar kim lah shuh ban siew ïa ka ram lada shah daiñ kuna T.10,000 ban siew hapoh khatsan sngi.
Shuh shuh ki la ïathuh ba ki don ki samla kiba wan na ki longïing baduk ki leit ban kamai ‘scooty’ ban pyndap bai klas bad bai sah ïing wai.
“Lada ka sorkar ka pynbiang ïa ka kam sorkar ïa ngi, ngin ym wan ñiah ‘scooty’ ban ïeng ha surok hynrei haba kam lah ngi hap ban ïeng ha la ki jong ki kjat kumba ong u Myntri Rangbah ka Jylla” ki la ong.
Nalor kane, ki la pyntip ba ïa ki samla kiba dih drok kiba dih kynja kim shah ba kin kamai namar lada leh uwei kan sa budnam lang ïa kiwei kiba kamai hok.
“Ngi khlem pynbor ïa ki paidbah ban shong ‘scooty’ hynrei ngi shu wer ïa ki lada ki treh ba ngin leit buh kata ruh ha ka dor kaba jem” ki la ong biang.
Ki la ong ba lada ïeng ha la ki jong ki kjat ka sorkar ka khang lynti, da tuh ki pulit ki kem, da Khaii drok ruh ki pulit ki kem te kin leh pat da kaei ka kam.
Kumta ki la rai ba kin hap b?n shong jingïalang ban ïakhun ban ïoh ïa ka hok.
