Shillong, Nailur 27
Ka Sri Lanka Cricket ka la pynbna ha ka Sngi Palei ba ka West Indies kan leit jngoh ïa kane ka ri ïew ha u bnai ban wan ban ïalehkai lai tylli ki ODI’s bad lai tylli ki jingïalehkai T20.
Na ka liang jong ka synjuk pynïaid jingïalehkai Kriket ka ïathuh ba kane ka multi-format series kan sdang ha Dambulla ha ka 13 tarik u Risaw da ka jingïalehkai T20. Ka T20 kaba ar kan long ha ka 15 tarik u Risaw bad ka phainal kan long hadien ar sngi. Ïa ki jingïalehkai ODI yn sdang ha Pallekele naduh ka 20 tarik u Risaw, ïa ka ODI kaba ar la buh ban pynlong ha ka 23 tarik u Risaw bad ïa ka phainal lai sngi hadien kata ha ka 26 tarik u Risaw 2024
Ka West Indies ka la ïakhun khadduh ïa ka ODI series ba la pynlong da ka Sri Lanka ha u snem 2020, ha kaba ka la jop ïa baroh lai tylli ki jingïakhun. Ha kajuh ka jingleit ka la ïalehkai ar tylli ki T20I bad ka la jop ïa baroh ar tylli.
